Mae'r clwstwr yn harneisio arbenigedd ym mhrifysgolion Cymru, iechyd y cyhoedd a'r canolfannau bwyd i ysgogi ymchwil a mewnwelediad cydweithredol, arloesedd a datblygu cynhyrchion, a mynediad at farchnadoedd newydd.
Mae aelodaeth ar agor i gynhyrchwyr bwyd a diod Cymru, y byd academaidd, a sefydliadau'r sector cyhoeddus sydd â diddordeb penodol mewn bwyd, a'r berthynas rhwng bwyd, maeth ac iechyd.
Mae NutriWales yn canolbwyntio ar y meysydd canlynol:
- Gwella buddion maethol bwyd
- Prosiectau bwyd a thechnoleg amaethyddol
- Biowyddoniaeth, gwyddor bywyd ac iechyd trwy faeth
- Datblygu cynhyrchion sy'n gadarn o ran maeth
- Maeth ar gyfer heneiddio'n iach
Gall aelodau elwa o ystod eang o gyngor a chymorth gan gynnwys; arbenigedd ar ddatblygu strategaethau Ymchwil a Datblygu, mynediad at gyfleoedd cyllido trwy ffynonellau cyllid Ymchwil a Datblygu, prosiectau cydweithredol (gan gynnwys cydweithio rhyngwladol) i ysgogi arloesedd a datblygu cynhyrchion newydd.
I gael gwybod mwy: bwyd-food@llyw.cymru
